Дирафши мо

Аватар пользователя Ҳайати тадорукот
Опубликовано 23 ноября, 2020 - 11:31 пользователем Ҳайати тадорукот
Дирафши ковиёнӣ, бостону ҷовидон дорам
Хирадафшону шуҳрат з-он чу тоҷи зарфишон дорам
Ба имрӯз аз азал рамзи равонам ҳаст, (равонам ҳаст).
Ба ҷавлонаш навиди ифтихору
Ҳастию руҳи равон дорам

Дирафши ман,
Ту рамзи ҳастии ҷонам!
Ту парварди ниёгонам!
Ғурури Оли Сомонам!
Ту то ҳастӣ Ватан дорам!
Нажоди хештан дорам!

Ба то ҳоле забон дорам,
Нишон дорам!
Сари боло миёни мардумон дорам!
Зи мавҷи ту Дирафшам,
Ман ниё з-он ҳафт руҳи аҳрамаспи ҷовидони осмон дорам!

Парафшонит зи Ваҳдат!
Эй, ту рамзи марзбони ман!
Туӣ бунёду бас ҳамсози миллат!
Бас ту пирузӣ, Ба ҷони ман!
Муқаддас ту!
Дурахшо!!!
Шукр! Сад бар ту сипосам!
Ҷаҳон то ҳаст, хушрӯзам,
Ки зеро то Дирафши Ковиён дорам,
Замин дорам, замон дорам!...
Ватан дар ин ҷаҳон дорам!
Дирафши тоҷикон дорам!!!
Дирафши ман,
Ту рамзи ҳастии ҷонам!
Ту парварди ниёгонам!
Ғурури Оли Сомонам!
Ту то ҳастӣ Ватан дорам!
Нажоди хештан дорам!...
Бақои хештан дорам!!!


Зулфониён Раҳим Раҷабзода
22.11.2013

Рейтинг контента: 
3
Средняя оценка: 3 (2 голос)