Даромад
Харита
Тамос
Тоҷикӣ
Русский
English
Кумитаи забон ва истилоҳоти назди Ҳукумати Ҷумҳурии Тоҷикистон бо мақсади иҷрои банди 32-и нақшаи амалисозии «Барномаи рушди забони давлатӣ барои солҳои 2020 - 2030» ва тибқи Нақшаи корӣ барои соли 2024 оид ба таҷлили Рӯзи Ваҳдати миллӣ 25-уми июни соли 2024 дар толори Муассисаи давлатии «Тоҷикфилм» бо иштироки намояндагони вазорату идораҳои давлатӣ, донишгоҳу донишкадаҳои олии кишвар, ҷамъиятҳо, Шурои ҳамгунсозии истилоҳоти Кумита ва намояндагони ВАО Конференсияи илмию амалии ҷумҳуриявӣ бахшида ба 27-умин солгарди Рӯзи Ваҳдати миллӣ таҳти унвони «Забон миллӣ ва Ваҳдати миллӣ»-ро баргузор намуд.
Конференсия бо садо додани Суруди миллии Ҷумҳурии Тоҷикистон оѓоз шуд.
Конференсияро раиси Кумитаи забон ва истилоҳоти назди Ҳукумати Ҷумҳурии Тоҷикистон, доктори илми филология Олимҷон Муҳаммадҷонзода ифтитоҳ намуд.
Дар идома аз ҷониби роҳбарияти Кумитаи забон ва истилоҳоти назди Ҳукумати Ҷумҳурии Тоҷикистон филми кӯтоҳи мустанад доир ба Ваҳдати миллӣ ва муҳиммияти ин дастоварди таърихӣ пешниҳоди ҳозирин гардонида шуд.
Дар Конференсия зиёда аз 15 маърузаи илмӣ аз ҷониби мутахассисони бахшҳои гуногуни забоншиносӣ мавриди баррасӣ қарор гирифт. Аз ҷумла, дар мавзуъҳои “Забони миллӣ, манфиати миллӣ ва ваҳдати миллӣ - арзишҳои муҳимми истиқлоли давлатӣ” - доктори илми филология Олимҷон Муҳаммадҷонзода, “Забон унсури ваҳдатсози миллӣ” - доктори илмҳои филологӣ Назарзода Сайфиддин, “Забон - омили муҳимми таҳкимбахшандаи ваҳдати миллӣ” - ректори Донишкадаи исломии Тоҷикистон, номзади илмҳои фалсафа Зокирзода Нусратулло, “Ваҳдати миллӣ – омили устувории давлатдорӣ” - профессори Институти фалсафа, сиёсатшиносӣ ва ҳуқуқи АМИТ Маҳмадҷонова Муҳиба, “Инъикоси ваҳдат дар адабиёт” - доктори илми филология, профессор Раҳматуллозода Сахидод, “Ситораи дурахшони забоншиносии тоҷикӣ” - профессори Институти забон ва адабиёти ба номи Рӯдакии АМИТ, доктори илми филология Шодиев Рустам, “Ёди марди наку” - Бибираъно Ҷӯраева намояндаи Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон ва дигарон ироа гардид.
Ҳамзамон, бо таваҷҷуҳ ба ин ки имсол забоншиноси варзида, шодравон профессор Додихудо Саймиддинов 75-сола мешаванд, аз ҷониби иштирокдорони Конференсия маҷмуаи мақолаҳои устодону донишмандон доир ба зиндагинома, хотироти дӯстон ва пажуҳишҳои забоншиносии доктори илми филология, узви вобастаи Академияи миллии илмҳои Тоҷикистон, профессор Додихудо Саймиддинов муаррифӣ карда шуд.
Дар интиҳо, пас аз баррасии фикру мулоҳизаҳо аз ҷониби ҳайати иштирокдорони Конференсия Тавсиянома оид ба рушду инкишофи забони давлатӣ дар таҳкими Ваҳдати миллӣ қабул гардид.
Чоп кардан
Паёми электронӣ
PDF
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
